Оның ішінде Алматы облысында 11550 орындық 10 мектеп бар.
ҚР Оқу-ағарту министрлігі "Құрылысы және реконструкциялануы Білім беру инфрақұрылымын қолдау қорының қаражаты есебінен қаржыландырылатын орта білім беру объектілерінің басым тізбесін бекіту туралы" 2023 жылғы 17 ақпандағы бұйрыққа қол қойды, деп хабарлайды Almaty-akshamy.kz
Жалпы тізімде 62 мектеп бар. Мәселен, Астанада 7425 оқушыға арналған 10 мектеп салу жоспарланған.
Өңірлер бойынша алсақ, Алматы облысында 11550 орындық 10 мектеп, Түркістан облысында 2050 орындық 9 мектеп, Жамбыл облысында 2850 орындық 6 мектеп, Қызылорда облысында 2175 орындық 5 мектеп, Маңғыстау облысында 4800 орындық 4 мектеп салу көзделіп отыр.
Ақмола облысында 600 орындық екі мектеп, Ақтөбе облысында 620 орындық үш мектеп, Атырау облысында 1200 орындық екі мектеп, Шығыс Қазақстан облысында 900 орындық екі мектеп, Батыс Қазақстан облысында 708 орындық екі мектеп, Қостанай облысында 1080 орындық екі мектеп, Солтүстік Қазақстан облысында 900 орындық екі мектеп салу жоспарланған.
Жетісу, Ұлытау және Павлодар облыстарында сәйкесінше 1200, 200 және 312 орындық бір мектептен салынады.
Мектеп құрылысына 96 миллиард 495 миллион теңге бөлу жоспарланған. Бұл қаражат жаңа мектептерді салуға және бұрыннан бар мектептерді кеңейтуге жұмсалады.
Наурыз айының басында ҚР Оқу-ағарту министрі Ғани Бейсембаев 2023 жылы жемқорлардан тәркіленген және білім беру инфрақұрылымын қолдау қорына түскен ақшаға 70-тен астам мектеп салынатынын мәлімдеді.