"Қайрат" футбол клубының бас бапкері Рафаэль Уразбахтин жұлдызға айналған қақпашы Темірлан Анарбековтың жарақатына қатысты сұраққа жауап берді, - деп хабарлайды Аqshamnews.kz тілшісі. Бұл туралы ол Алматы қаласының өңірлік коммуникациялар қызметінің баспасөз отырысында жауап берді.
Уразбахтин Анарбековтың жағдайы әзірге бірқалыпты екенін айтты.
"Дәрігерлердің мәліметінше, қазір бастысы - бет аймағындағы сүйектерге, әсіресе жақ сүйегіне артық күш түсірмеу. Сондықтан әзірге Темірланға жақ сүйегін ашатын әрекеттер жасауға рұқсат берілмей отыр. Дегенмен дәрігерлер жағдайы бірқалыпты екенін атап өтті. Қажетті тексерулер мен бақылаудан кейін ол жақын арада жаттығуына оралуы мүмкін. Алдын ала болжам бойынша, 1–2 күнде спорттық дайындықты қайта бастауға рұқсат берілуі ықтимал, бірақ бұл шешім толық медициналық тексерудің нәтижесіне байланысты болады", - деді бас бапкер.
Еске салайық, Темірлан Анарбеков Қазақстан премьер лигасының ішкі матчінде "Ақтөбе" ФК қарсы ойында жақ сүйегінен жарақат алған болатын.