Төтенше жағдай режимі 31 тамызға дейін ұзартылды.
Жапонияның төрт префектурасы коронавирустың өршуіне байланысты төтенше жағдай жариялайды, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
Бұған дейін Токиодағы төтенше жағдай режимі 31 тамызға дейін ұзартылған болатын. Елде инфекция таралу көрсеткіші Олимпиада ойындарының басталуымен күрт өсті.
Парижде вакциналау мен санитариялық өткізу құжаттарына қарсы демонстрацияға қатысушыларға қарсы көзден жас ағызатын газ қолданылды. Тәртіп сақшылары жиналғандарға тосқауыл қоюға тырысты, ішінара қақтығыстар орын алды, полиция шерудің арты тәртіпсіздіктерге ұласуынан қауіптеніп отыр.
Ливандағы мейрамханалар мен жағажайлар 2 тамыздан бастап тек вакциналанған адамдарды қабылдайды. Жаңа ережелер 16 жастан асқан барлық азаматтарға қолданылады. Сондай-ақ 2 тамыздан бастап туристік саланың барлық қызметкерлері жұмысқа тек QR-код көрсету арқылы шыға алады.