Қазақстанда атом электр станциясын (АЭС) салу мәселесіне қатысты түрлі пікірлер айтылуда. Кейбір азаматтар баламалы энергия көздерін (күн мен жел) дамытуға басымдық беруді ұсынып отыр. Алайда жаңартылатын энергия көздерін пайдалану әлі бірде-бір елге толық энергетикалық шешім әкелмегенін атап өткім келеді.
Қазіргі уақытта Германия атом энергетикасынан толық бас тартты, бірақ бұл оларға көмірді көбірек пайдалануға мәжбүр етті. Электр энергиясын өндіру үшін ең тиімді әдіс – қоңыр көмір жағу болып отыр. Көмір электр станцияларын пайдалану шығындарының едәуір бөлігі көмірқышқыл газын шығару квоталарына төлем жасау қажеттілігімен байланысты.
Германиядағы күн мен жел электр станцияларының үлесі шамамен 47%-ды құраса да, бұл энергияны экономикаға тиімді енгізу қиын әрі қымбатқа түседі. Осыған байланысты ауыр өнеркәсіп орындары АҚШ пен Қытайға көшіп жатыр, себебі бұл елдерде атом энергетикасы электр энергиясының бағасын төмендетуге мүмкіндік береді.
Халықаралық тәжірибе көрсеткендей, Қазақстан үшін ең тиімді шешім – атом электр станциясын салу. Бұл тек тұрақты энергия көзін ғана емес, сонымен қатар елдің энергетикалық қауіпсіздігін қамтамасыз етеді деп есептеймін.