Маңғыстау облысында пышақ жарақатынан 44 жастағы әйел қаза тапты. Марқұм – жеті баланың анасы, олардың бесеуі кәмелет жасына толмаған, деп хабарлайды Aqshamnews.kz тілшісі Lada.kz сайтына сілтеме жасап.
Полиция мәліметінше, оқиға 29 қаңтарда Жаңаөзен қаласында болған. Қылмыс жасады деген күдікпен әйелдің жұбайы ұсталып, уақытша ұстау изоляторына қамалды.
Алдын ала дерек бойынша, ерлі-зайыптылар арасында тұрмыстық жанжал шығып, соңы қайғылы жағдаймен аяқталған. Аталған факті бойынша ҚР Қылмыстық кодексінің 99-бабы 2-бөлігі («Адам өлтіру») бойынша қылмыстық іс қозғалып, тергеу амалдары жүргізіліп жатыр.