Иранда президент – атқару билігінің басшысы, іс жүзінде, ол премьер-министрдің рөлін атқарады.
Атап өтетіні, Иранда президенттік – елдегі ең жоғары лауазым емес. Мемлекет басшысы елдің рухани көшбасшысы саналады, оның лауазымы «Жоғары басқарушы» деп аталады. Қазір бұл - ұлы аятолла Али Хаменеи.
Ол қарулы күштерге билік жүргізеді, жарлықтар шығарып, саяси мәселелерлің негізгі бағыттары бойынша соңғы шешімді қабылдайды.
Президент - атқарушы биліктің басшысы, іс жүзінде ол премьер-министрдің рөлін атқарады. Ол сондай-ақ мемлекеттік наградаларды тапсыру сияқты классикалық өкілдік функциялармен қамтамасыз етілген.
Президент қайтыс болған жағдайда Иран Конституциясының 131-бабы қолданылады. Өкілеттіктер оның орынбасарына беріледі де, елде 50 күн ішінде президенттік сайлау ұйымдастырылады.
Естеріңізге сала кетейік, бұған дейін Иран президенті Ибрахим Раиси тікұшақ апатынан қаза болғанын хабарлаған болатынбыз.