Бекболат Рамазан, Қазақстан Республикасы Президенті жанындағы ҚР ҰҒА ғылым академиясы пәнаралық ғылым орталығының бас академиялық қызметкері, Алматы қалалық Мәслихаттың депутаты:
Қазақстан Республикасының Президенті Қасым-Жомарт Тоқаев Үкіметтің кеңейтілген отырысында ғылым мен жоғары білім саласындағы реформалар туралы маңызды пікір білдірді. Ел Президенті ғылымға бөлінетін қаржы көлемі соңғы жылдары айтарлықтай артқанын және бұл қаржының сапалы әрі сұранысқа ие зерттеулер жүргізетін университеттер мен ғалымдарға ғана бөлінуі керектігін атап өтті.
Сонымен қатар, білім беру тапсырысын оқу орындарының рейтингіне қарай бөлу жұмысы Үкіметтің қатаң бақылауында болуы тиіс екендігі айтылды. Бұл реформа, өз кезегінде, сапалы білім мен ғылыми зерттеулердің көбеюіне жол ашады.
Мемлекет ғылымды дамыту үшін қаржы көлемін арттыруды жалғастыра береді, бірақ бұл қаржының нақты мақсаттарға жұмсалуы өте маңызды. Тек жоғары деңгейдегі зерттеулер мен инновациялармен айналысатын университеттер мен ғалымдар ғана қолдауға ие болуы керек.
Қазақстан ғылым мен білім саласындағы осы маңызды қадамдар арқылы халықаралық аренада бәсекеге қабілеттілік пен сапалы білім беруді қамтамасыз етуді көздейді.