Адамнан айла артылған емес. Жұмыртқадан жүн қырыққан алаяқтар тағы да бір қулық ойлап тапты деп хабарлайды aqshamnews.kz.
Жалпы олардың әрекеті мынадай: алаяқтар сіздің туған күніңізге немесе кез келген бір мерекеге орай гүл жібереді. Әрине, мұндай гүлді алған жан риясыз көңілі үшін алғыс білдіріп, көңіл күйіңіз көтеріледі. Ал қуанған жан гүлмен суретке түсіп, Instagram-ға шын жүректен алғысыңызды жаудырып жазасыз. Кешке жалған гүл сататын дүкеннен қоңырау шалып, нөміріңізге код жіберу арқылы тапсырысыңызды алғаныңызды растауыңызды сұрайды. Әрине, гүл жіберіп, жаныңызды жадыратқан жандардың барлық талаптарын орындайсыз. Міне, дәл осы жерден гүлдің ақысы алынады. Оған қоса сіздің атыңыздан несие де алып үлгереді. Соңғы кезде мұндай ірекет етушілер саны жауыннан кейінгі саңырауқұлақтай көбейіп келеді.