Михаил Кавелашвили Грузия президенті ретінде ант беріп, қызметіне ресми түрде кірісті. Инаугурация рәсімі Тбилисиде өтті, деп хабарлайды aqshamnews.kz
Бұрынғы президент Саломе Зурабишвили бастапқыда Кавелашвилидің легитимдігін мойындамайтынын және өз қызметін босатпайтынын мәлімдеген болатын. Алайда кейін ол Михаил Кавелашвилидің инаугурациясынан соң президент сарайынан кететінін, бірақ "халықпен бірге қалып", жаңа парламент сайлауын өткізуді талап ететінін айтты.
Грузиядағы саяси жағдай әлі де шиеленісті күйде. Сарапшылар Михаил Кавелашвилидің президент болуы ел дамуына жаңа серпін беруі мүмкін екенін, бірақ оның алдында қоғамды біріктіру және саяси тұрақтылықты қамтамасыз ету сынды маңызды міндеттер тұрғанын атап өтуде.
Грузияның болашағы жаңа басшының ел ішіндегі саяси күштермен мәмілеге келіп, қоғам сенімін қайтару қабілетіне байланысты болмақ.