Келген адамдардан жұқтыру қаупі жергілікті індетке қарағанда төмен.
14 желтоқсаннан бастап Гонконг билігі кірушілерге үш күндік карантинді алып тастады. Бұл туралы сейсенбіде Гонконг әкімшілігінің басшысы Джон Ли журналистерге хабарлады, деп хабарлайды Almaty-akshamy.kz Inbusiness.kz cілтеме жасап.
"Шешім соңғы деректерге және коронавирустың таралу тәуекелдерін бағалауға негізделген. Келген адамдардан жұқтыру қаупі жергілікті індетке қарағанда төмен. Біз шектеу шараларын тоқтату [ковидтің] инфекцияның өршу қаупін арттырмайды деп ойлаймыз", — деп түсіндірді ол.
Сәрсенбіден бастап Гонконг мэриясының бұйрығына сәйкес, коронавирусқа теріс сынақтан өткен жолаушыларға смартфондардағы арнайы қосымшада қоғамдық орындарға үш күн бойы тыйым салатын "қызғылт сары денсаулық коды" берілмейді. Яғни енді QR-кодтарын сканерлеген кезде, еш кедергі болмайды.
Соңғы тәулікте Гонконгта коронавирусты жұқтырудың 14 717 жаңа жағдайы анықталды, оның 5%-ы ғана елге келгендерден анықталған.