Берлиндегі көрме 2 айға созылады
Германия астанасында қазақстандық танымал суретші Бақытнұр Бүрдесбековтің көрмесі ашылды, деп хабарлайды Almaty-akshamy.kz «Хабар 24» телеарнасына сілтеме жасап.
Шараға мәдениет қайраткерлері, қазақстандық дипломаттар мен шетелдік коллекционерлер қатысты. Көрмеге қылқалам шеберінің 30-ға жуық еңбегі қойылды.
Айта кетейік, бұл Бақытнұр Бүрдесбековтың шетелде өткен алғашқы көрмесі емес. Оның картиналары әр жылдары Франция, Түркия, Жапония және АҚШ тұрғындарының назарына ұсынылған болатын. Берлиндегі көрме 2 айға созылады. Қазірдің өзінде бірнеше сурет сатылып кеткен.
«Әдетте адам қымбат туындыны таңдағанда бірнеше ай, бірнеше күн, тым құрығанда, жарты күн, бірнеше сағат ойланады. Бір әйел адам суретті 10 минут қарады да сатып алуға бірден шешім қабылдады. Ол бұл картинаға бір көргеннен ғашық болып қалды десем қателеспеспін. Бұл мен үшін де үлкен абырой. Себебі көрменің текке ұйымдастырылмағанына көз жеткізесіз. Сатып алушылар ғана емес, өнердің бағасын білетін адамдар да көптеп келіп жатыр. Олар "о, керемет көрме өтіп жатыр" дейді»,-деп атап өтті «ARS PRO DONO» галереясының негізін қалаушы Алексей Шрайнер.