Ол бұл музыкалық кешті көптен күткен, деп хабарлайды aqshamnews.kz тілшісі.
Танымал блогер Ғани Әжікенов Алматыда өтіп жатқан YE концертіне қатысты өз ойымен бөлісті. Оның айтуынша, ол бұл музыкалық кешті көптен күткен.
«Мен осы концертті көптен күттім. Оның алдында YE Стамбұлға, Грузияға келуі керек болған. Бірақ Алматыға келіп қалды. Алматы – әлемдегі мықты қалалардың бірі. Мен жас кезімнен Канье Уестті тыңдаймын», – деді ол.
Блогер концертке келген көрермендердің арасында шетелдіктердің көп екенін атап өтті. Оның сөзінше, жанкүйерлер Ресей, Беларусь, Өзбекстан және Қырғызстаннан арнайы келген.
«Бұндай концертті өз көзіңмен көріп, сезінудің өзі – зор мәртебе», – деді Ғани Әжікенов.
Ол концерт барысында өзі асыға күтіп отырған бірнеше әнді де атап өтті. Атап айтқанда, «No Church in the Wild», «Niggas in Paris», «Stronger» және «Otis» композицияларын орындауын күтетінін жеткізді.
«“Otis” әнін ол көп жерде айтпайды. Бірақ осы концертте айтады деп үміттенемін», – деді блогер.
Ғани Әжікеновтың айтуынша, әншінің шығармашылығы бүгінде әлеуметтік желілерде де кеңінен танымал. Ол YE-нің ең мықты әндері 2014–2018 жылдар аралығында жарық көргенін атап өтті.
«Оны миллениал буынның адамдары жақсы біледі», – деді ол.
Блогер концертке билетті туған күніне сыйлық ретінде алғанын айтты. Қазір ол Алматыдағы концертті «Silver» аймағынан тамашалап отыр.