Күнделікті ас кезінде жеген тамағымызға, ішкен шайымызға қант қосу бүйректе тастардың түзілу қаупін арттырады.
Солтүстік Сычуань медициналық колледжінің ғалымдары осындай қорытындыға келді.
Олардың зерттеу нәтижелерін Frontiers in Nutrition журналы ұсынды.
Ғалымдар 28 мыңнан астам ересек әйелдер мен ерлер туралы деректерге талдау жасады. Зерттеу барысында олар бүйректерінде тастары бар екенін айтқан. Сонымен қатар, қатысушылардан соңғы күндері сироптарды, балды немесе таза қантты жеген-жемегенін білу керек болды.
Frontiers in Nutrition басылымы тамақ рационында қанттың үлесі неғұрлым жоғары болса, бүйректе тастардың пайда болу ықтималдығы соғұрлым жоғары болатынын атап өтті.
Ғалымдар сонымен қатар зерттеуге қатысушылардың жынысын, жасын, салмағын, табысын, тамақтану сапасын, қант диабетінің бар-жоғын және темекі шегу-шекпеуін қарастырды.
Егер кәмпиттерде, балмұздақта немесе кондитерлік өнімдерде кездесетін қантты тұтынуды шектесе, бүйрек тастарының пайда болуын болдырмауға болатындығы анықталды.
Аурудың белгілері қатты ауырсыну, жүрек айну, құсу, қалтырау және зәрмен бірге қан шығу екенін ескерген жөн.
Бірнеше ай бұрын Наталья Мокрышева есімді ресейлік маман бүйрек тастарының себебі семіздік болуы мүмкін екенін айтқан болатыг. Ол да қант диабетіне, бірқатар жүрек-қан тамырлары ауруларына, артериялық гипертензияға, майлы гепатозға, онкопатология мен бедеуліктің дамуына әкеледі.
Бір ғана сәт бақыт сыйлайтын тәттіні, соның ішінде қантты тұтынудың арты денсаулық үшін «қатты» тиюі мүмкін. Сондықтан, алдымыздағы асымыздың өзіміздің денсаулығымызға кері әсері болмайтынына аса мән берген дұрыс болар.
материал РЕН-тв сайтында жарияланған материал негізінде әзірленді