Қазақстанда нашақорларды есепке алу үшін бірыңғай дерекқор құрылады, деп хабарлайды aqshamnews.kz
Елімізде есірткі өндіру және қайта өңдеумен айналысатындарға қатысты жауапкершілік күшейтіледі. Бұл заңға енгізілетін жаңа өзгерістер мен толықтыруларда нақты көрсетілген. Олар, әсіресе, есірткі зертханалары мен курьерлердің (закладчиктер және басқалары) қызметіне тікелей қатысты болмақ.
Ішкі істер министрлігінің мәліметінше, есірткі қылмыстарына қысыммен тартылған жастар үшін жазаны жеңілдету жоспарлануда. Алайда, есірткі бизнесін ұйымдастырушылар үшін жаза қатаңдатылмақ. Бұл шаралар елдегі есірткі айналымын бақылауды күшейтіп, нашақорлықтың алдын алуға бағытталған.
Сондай-ақ, нашақорлықпен күрестің тиімділігін арттыру мақсатында Қазақстанда нашақорларды есепке алуға арналған бірыңғай дерекқор құрылатын болады. Бұл дерекқор құқық қорғау органдарына осы мәселені жүйелі түрде қадағалауға және жағдайды бақылауда ұстауға мүмкіндік береді.