Әкімдерге кезек күттірмейтін мәселелерді шешудің жаңа тәсілдерін әзірлеу керек.
Қазақстан Республикасы Президентінің жанындағы ҚазСҒЗИ саяси зерттеулер бөлімінің меңгерушісі Ермек Тоқтаров Қазақстан Үкіметі, ең алдымен, бизнестің экономикалық белсенділігін арттырып, азаматтардың әл-ауқатын арттырудың тиімді жолдарын әзірлеуі керектігін айтты, деп хабарлайды Almaty-akshamy.kz Zakon.kz сайтына cілтеме жасап.
Мемлекет басшысы Үкіметтің кеңейтілген отырысында мазмұнды сөз сөйлеп, іс жүзінде Министрлер кабинетіне сындарлы сын айтты. Әлбетте, ел басшылығы республикалық деңгейде де, жергілікті деңгейде де бар проблемалардың барлығынан хабардар, деп санайды сарапшы.
«Бұл жағдайдың себебі бар, оны Президент атап көрсетті. Тиімділігі төмен ескірген әдістер ескі мәселелерді шеше алмайды. Жалпы Үкіметке, атап айтқанда, әкімдерге кезек күттірмейтін мәселелерді шешудің жаңа тәсілдерін әзірлеу міндеті жүктелді», - деп атап өтті Ермек Тоқтаров.
Сарапшының айтуынша, «бұл үшін барлық қажетті материалдық, ұйымдастырушылық және қаржылық ресурстар бар. Мәселе олардың ұтымды және тиімді орындалуында ғана. Бұл - Үкімет жұмысының аралық нәтижелеріне қойылатын басты талап.