Алматы қаласы әкімінің орынбасары Ержан Бабақұмаров Мемлекет басшысының Қазақстан халқына «Қазақстандықтардың әл-ауқатының өсуі: Табыс пен тұрмыс сапасын арттыру» атты Жолдауын іске асыру аясында жаңа дене шынықтыру-сауықтыру орталықтарының құрылыс барысымен танысты.
Жұмыс сапары аясында «Жас Қанат» шағынауданында және «Сұңқар» халықаралық шаңғы трамплиндер кешенінде салынып жатқан дене шынықтыру-сауықтыру орталықтары тексерілді. Бұл нысандар биыл пайдалануға беріледі.
Түрксіб ауданының «Жас Қанат» шағын ауданында спорт кешені салынуда. Мұнда балалар мен ересектерге арналған бассейндер, гимнастика мен спорт залдары, демалыс аймағы, жаттығу алаңы және т.б. бар. Барлығы 25 спорт тобы су спорты, жекпе-жек және басқа спорт түрлерімен айналысатын болады.
«Сұңқар» халықаралық шаңғы трамплин кешенінде құрылыс жұмыстары жалғасуда. Спорт залында 600-ге жуық орындық болады. Бейімдеу-жаттықтыру орталығы бар жабық бассейн қарастырылған, оның құрамына тренинг пен кроссфит залдары, бассейн кіреді. Жұмысты ағымдағы жылдың қыркүйектің соңына аяқтау жоспарлануда.
Басты міндет – бұқаралық спорт пен дене тәрбиесінің қолжетімділігін арттыру. Бүгінде Алматыда 3399 спорт нысаны жұмыс істейді. Оның ішінде Спорт сарайы, 14 спорт кешені, 12 стадион, 12 спорт ғимараты, ұлттық құрама командаларының 5 оқу орталығы бар. Сонымен, жастарды салауатты өмір салтына тарту мақсатында қаланың барлық сегіз ауданында тегін спорттық үйірмелер мен секциялар ұйымдастырылды. 50 демалыс орталығы халыққа қызмет көрсетеді. Бұл көрсеткіштерді арттыру бойынша жұмыстар жүргізілуде. «Жаңа Алматы» бағдарламасы бойынша қала шетінде алты дене шынықтыру-сауықтыру кешені мен бір теннис орталығы салынады. Кешендердің пайда болуымен тұрғындар өз аймағында, жаяу қашықтықта спортпен айналысу мүмкіндігіне ие болады.
Спорт нысандарын тексерген әкімнің орынбасары Ержан Бабақұмаров спорт басқармасының басшысына спорт секцияларын ашу және балаларды тегін сабақтармен қамтуды кеңейту мәселелерін пысықтау бойынша бірқатар тапсырмалар берді.