Алматы қалалық Жастар саясатын дамыту мемлекеттік қорының басшысы, Qamqor Charity қоғамдық қорының төрағасы Бағдат Анарбаева жаңа конституцияның күшіне енуін бүкіл қоғам үшін маңызды оқиға деп атады, – деп хабарлайды aqshamnews.kz тілшісі.
Оның айтуынша, еріктілер қызметінің конституция деңгейінде бекітілуі үлкен оқиға болыпты.
«Еріктілер қауымдастығы үшін бұл біздің еңбегіміздің мойындалуы ғана емес, сонымен қатар еріктілер қозғалысын одан әрі дамытып, еріктілер мен жастардың бастамасын қолдаудың жаңа тетігін қалыптастыруға бағытталған маңызды қадам болды», – дейді Бағдат Анарбаева.
Ол сондай-ақ жаңа заңда адами капиталды, ғылымды, инновациялар мен жастардың зияткерлік әлеуетін дамытуға ерекше көңіл бөлінгенін айтты.