Эндокринолог әрі диетолог Антон Поляков денсаулыққа ең зиянды тіскебасар түрін атады, – деп хабарлайды aqshamnews.kz тілшісі aif.ru-ға сілтеме жасап.
Маманның айтуынша, қамырға оралған қуырылған шұжық - ағзаға пайдасы жоқ тағамдардың бірі. Дәрігер мұндай астан адам ағзасы шұжықтан да, қамырдан да қажетті қоректік зат алмайтынын айтты.
Поляковтың сөзінше, пеште дайындалған түрі қуырылған нұсқасына қарағанда сәл жеңілірек болуы мүмкін. Дегенмен ол мұндай тағамды жиі тұтынбауға кеңес берді.
"Мұндай тамақты жегенше, тіскебасардан бас тартқан дұрыс", - деді дәрігер.
Сондай-ақ, маман қамырға оралған шұжықтың калориясы көп болғандықтан, артық салмақ қосуға ықпал етуі мүмкін екенін ескертті. Ол жол-жөнекей тамақтана салудан сақ болып, фастфуд таңдағанда құрамына мән беруге шақырды.