Жерлеу жәрдемақысын алу үшін азаматтар өз бетінше өтініш бермейді, – деп хабарлайды aqshamnews.kz тілшісі.
"Е-макет" ақпараттық жүйесі азаматтық хал актілерін тіркеу органдары мен Бекітілген халық тіркелімі деректеріне сүйеніп, жерлеу рәсімін ұйымдастырған адамды автоматты түрде анықтайды.
Одан кейін сол азаматтың ұялы телефонына SMS хабарлама жіберіледі.
Сондай-ақ төлем тағайындағанда отбасының әлеуметтік жағдайы мен көмекке мұқтаждығы ескеріледі.
Егер қайтыс болған азамат жасына байланысты зейнетақы, базалық зейнетақы төлемін немесе мемлекеттік әлеуметтік жәрдемақы алып келген болса, оның отбасы мүшелеріне немесе жерлеуді ұйымдастырған адамға – 35 АЕК, яғни 151 375 теңгеге төленеді.
Ал қайтыс болған азамат жасына байланысты зейнетақы алушы әрі Ұлы Отан соғысының ардагері болса, жерлеуге 36,6 АЕК, яғни 158 295 теңге беріледі.