Мемлекеттік кірістер комитеті Аудит департаменті берешекпен жұмыс басқармасының басшысы Арын Қайсардың сөзінше, жаңа Салық кодексінде қарызы бар кәсіпкерлерді бұлтартпау шарасы қолданылады, деп хабарлайды aqshamnews.kz
Демек, алдағы уақытта 106 миллион теңге берешегі бар бизнес өкілдері шетелге саяхаттай алмайды. Бірақ, бір мүмкіндік те жоқ емес.
– Қолданыстағы заңнама бойынша заңды тұлғалар бір-біріне 45 айлық есептік көрсеткіштен (194 625 теңгеден) жоғары мөлшерде қарыз болған жағдайда жеке кәсіпкерлер мен компанияның бірінші басшыларына Қазақстаннан шығуға шектеу қойылады. Осы нормаға да жаңа Салық кодексінде өзгеріс енгізіп отырмыз. Депутаттардан да сондай ұсыныстар түсті. Соның бәрін қарастыра келіп, қарыз сомасын 27 АЕК-ке дейін көтердік. 106 млн теңгеден жоғары қарызы бар жеке кәсіпкерлер мен заңды тұлғалардың бірінші тұлғалары ғана Қазақстаннан шығуға тыйым салынады, – деді ол.
Дей тұрғанымен, бұл шектеулер соттың санкциясы арқылы іске аспақ.
– Бұл шектеуді уақытша тоқтата тұру мүмкіндіктері де қарастырылған. Қарызы бар тұлға шетелде шұғыл емделуі керек болған жағдайда шектеу қойылмайды. Бірақ "емделуге жіберу керек" деген шешімді сот ғана қабылдай алады, – деп толықтыра кетті ол.
Ел Президенті соңғы Жолдауында салық берешегі барлардың банктегі есеп-шотын толық бұғаттамауды тапсырған еді.