Бүгін Қазақстанның басым бөлігінде ауа райы құбылмалы болады. «Қазгидромет» мәліметінше, көп өңірде жаңбыр жауып, найзағай ойнайды. Кей жерлерде нөсер жаңбыр, бұршақ және екпінді жел күтіледі, – деп хабарлайды aqshamnews.kz тілшісі.
Астана, Алматы және Шымкентте өткінші жаңбыр мен найзағай болжанып отыр. Шымкентте жел күшейсе, Алматыда күндіз ауа температурасы +31 градусқа дейін, Астанада +25 градусқа дейін жетеді.
Ең жоғары температура батыс өңірлерде тіркеледі. Атырау, Маңғыстау және Батыс Қазақстан облыстарында күндіз +34...+39 градус, жекелеген аудандарда +40...+44 градусқа дейін аптап ыстық болады.
Сонымен қатар, Ақмола, Қостанай, Павлодар, Қарағанды, Ұлытау, Шығыс Қазақстан, Абай, Жетісу, Алматы, Жамбыл, Түркістан, Қызылорда және басқа да өңірлерде найзағай, бұршақ, дауыл және желдің күшеюі күтіледі. Синоптиктер тұрғындарға ауа райының қолайсыздығына байланысты сақ болуға кеңес береді.