ІІМ басшысы Ержан Сәденов Орталық коммуникациялар қызметінің подкастында атап өткендей, туризмді дамытуға қатысу – полиция жұмысының маңызды бағыттарының бірі, деп хабарлайды aqshamnews.kz
«Бізде туристік полиция бөлімі бар. Негізінен үлкен қалаларда, белгілі бір туристік аймақтарда. Ал енді оны барлық өңірлерде ашамыз. Туристік полиция тек шетелдіктерге ғана арналмаған. Ішкі туризм де бар», – деді Ержан Сәденов.
Оның айтуынша, адамдар туристік полиция қызметкерлеріне мәселелер бойынша жүгінбейді. Сонымен қатар, ІІМ туристерге қатысты ықтимал заңсыз әрекеттерді тоқтату үшін шаралар қабылдайды.
«Жұмысқа қабылдаған кезде тілдерді білуіне қарап, біз үздіктерді алуға тырысамыз. Жоғарыда айтып өткенімдей, полицияда патриоттық сезімі жоғары адамдар жұмыс істеуі керек», - деп түйіндеді ІІМ министрі.
Айта кетейік, ІІМ әуежайларда шетелдіктерге туристік карта береді. Онда олардың қауіпсіздігін қамтамасыз етуге мүмкіндік беретін ақпарат ұсынылған.
Толық шығарылымға сілтеме: https://youtu.be/LPjytyehuis