Халықтың 70 пайыздан астамы таңдау жасаған екен. Азаматтарымыздың белсенділігі қуантады.
Бұл туралы «AMANAT» партиясы Алматы қалалық штабының мүшесі, партияның Мирас қоғамдық аймақтық кеңесінің төрайымы Қарагөз Сүлейменова айтты, деп хабарлайды Almaty-akshamy.kz.
Кеше мемлекет басшысы Қасым-Жомарт Тоқаев референдум қорытындысы бойынша үндеу жасады. Алдағы жұмыстардың бағытын айтып өтті. Соның ішінде:
- Президентіміздің “Енді біздің алдымызда ашық әрі әділетті экономика құрып, заңнамаға реформа жүргізу міндеті тұр. Қолдан жасалған монополияларды түбегейлі жойып, сыбайлас жемқорлыққа тосқауыл қою маңызды. Біз кәсіпкерлердің бастамаларына қолдау көрсетіп, жекеменшікті сақтап, бәсекелестікті күшейтуіміз керек.”-керек деген бастамасы айрықша ұнады. Қазір халықтың тұрмысын көтеру, экономикалық жағдайын жақсариу маңызды. Осы бағыттағы жұмыстардың ашықтығын бақылауды, жемқорлықты болдырмауды алдын ала тапсырды. Нақ керек шаруа деп ойлаймын.
- Одан кейін Президентіміз «Бюрократиядан барынша арылту үшін жүйелі жұмыс жалғасады. Біз қоғамның барлық өкілдерінің талап-тілектеріне жауап беретін озық мемлекет құруымыз керек» -деді. Халықтың үніне құлақ асу үрдісі күшейеді.
- “Мемлекеттік қызмет дегеніміз – жеке бастың бақ-дәулетін арттыратын жер емес. Бұл – туған халқыңның алдында айрықша жауапкершілік арқалау деген сөз.” Бұл да кешегі Үндеуде Қасым-Жомарт Тоқаевтың айтқан сөзі. Мемлекет ісіндегі әр қызметкер қалта үшін емес, халық үшін жұмыс істейді. Бұл да қазіргі өзекті проблемаларымыздың бірі еді.
- Президентіміздің сөзімен түйіндесем: “Жаңа Қазақстанның ең басты байлығы – халық. Ал, ең негізгі мақсаты – азаматтардың бақытты өмір сүруін қамтамасыз ету. Әрбір азаматымыз саяси өзгерістер мен экономикалық өсімнің жемісін көруі қажет. Құрғақ уәде мен бос сөз ешқайда апармайды. Мен үшін нақты іс пен шынайы өзгеріс бәрінен маңызды.
Халықтан асқан биік жоқ. Осы жолда Президентімізді қолдайық
Еліміздің өркендеу жолында жаңа дәуір қайырымен келсін. Ел дамуына әр азамат бір жеңнен қол, бір жағадан бас шығарып атсалысайық. Еліміздің Тәуелсіздігі мәңгі болсын.