Қазақстанда соңғы екі жылда 80 ауыл жойылып кеткені мәлім болды. Бұл туралы Мәжілістегі ауылдық аумақтарды дамыту мәселелері жөніндегі дөңгелек үстел барысында депутат Жигули Дайрабаев айтты, деп хабарлайды aqshamnews.kz.
Депутаттың айтуынша, 2023 жылғы 1 қазанға қарай Қазақстан халқының 37,2 пайызы ауылдық жерлерде тұрған. Бірақ бұл көрсеткіш жыл сайын төмендеп келеді. Қазіргі таңда Қазақстанда 6 208 ауыл бар, ал 2023 жылы олардың саны 6 286 болған. Бұл дегеніміз, тек екі жыл ішінде 80 ауыл жойылды. Ұлттық статистика бюросының мәліметінше, ауылдардағы көші-қон сальдосы 2023 жылы минус 111 400 адамды құрады.
"Бұл - соңғы 25 жылдағы ең төменгі көрсеткіш", - деді Дайрабаев.
Депутат Түркістан облысындағы жағдайды ерекше атап өтіп, осы өңірден 29,2 мың адамның көшіп кеткенін мәлімдеді.
2024 жылғы 1 шілдедегі жағдай бойынша Қазақстанда 6 208 ауылдық елді мекен бар.