Мұндай мамандар әсіресе шалғай ауыл мен өңірлерде тапшы.
Тіпті Астана қаласында да штат толық емес. Бұл туралы елордада өтіп жатқан ұлттық респираторлық медицина конгресінде айтылды, деп хабарлайды Almaty-akshamy.kz.
Денсаулық сақтау вице-министрі Александр Дудниктің мәліметі бойынша, өкпе дерті күн өткен сайын жасарып келеді. Коронавирустан кейін асқынып, өлімге әкелетін аурулар ішінде 2-ші орында тұр. Осы мәселеге орай, Елорданың 3 ауруханасында науқастарға тегін кеңес беріледі. Әрі жетекші мамандардың қатысуымен консилиумдер өткізіледі.
«Қазір жалпы өкпе аурулары көбінесе стационардан өтуі керек. Өйткені дұрыс диагноз қою керек, дұрыс ем бастау керек. Одан кейін ғана жаңағы ауруларды поликлинникаларға жіберуге болады. Бізде ондай жағдай болмағаннан кейін осындай жағдайға келіп қалдық», - дейді медицина ғылымдарының доктор Абай Байгенжин.