АЭС құрылысы бойынша Халық штабының мүшелері темірбетон бұйымдары мен электр желісін салуға арналған конструкциялар шығаратын "Темірбетон" ЖШС зауытында құрылыс саласының өкілдерімен кездесу өткізді.
АЭС бойынша дауыс беру құрылысшылар үшін тек маңызды мемлекеттік жобаны қолдау ғана емес, сонымен қатар олардың кәсіби қызметі мен экономикалық әл-ауқатын дамытуға тікелей үлес болып табылады.
Станцияның құрылысына мыңдаған білікті жұмысшылар мен құрылыс саласындағы мамандар қажет. Сонымен бірге АЭС жобасын жүзеге асыру атом станциясының құрылысы ғана емес, сонымен қатар оған қоса жүретін инфрақұрылымды, қызметкерлерге арналған тұрғын үйлерді және әлеуметтік инфрақұрылым нысандарын дамыту жұмыстарын қамтиды. Демек, "Темірбетон" сияқты кәсіпорындар бірнеше жылға дейін тапсырыстармен қамтамасыз етіледі.
Сенат спикері Мәулен Әшімбаев еңбек ұжымымен кездесуде Қазақстан үшін атом энергетикасын дамыту және атом электр станциясын салу маңызды әрі стратегиялық мәнге ие екенін түсіндірді. Электр энергиясын тұтынудың өсуі әлемдік үрдіс болып табылады. Бізде қазір электр энергиясының тапшылығы шамамен жылына 2,5 млрд кВт/сағ құрайды. Қазірдің өзінде жыл сайын шамамен 4-5 млрд кВт/сағ электр энергиясын импорттап отырмыз. Сондықтан электр энергиясы көздерін әртараптандыру маңызды рөл атқарады.