Дзюдошы Елдос Сметов Париждегі Олимпиада ойындарының алғашқы айналымынан сүрінбей өтті.
60 келі салмақтағы алғашқы айналымда Сметов нидерландылық Торнуке Чакадуамен белдесті, деп хабарлайды aqshamnews.kz Ұлттық олимпиада комитетіне сілтеме жасап.
Кездесу қосымша уақытқа дейін созылып, Торнуке үш ескерту алды. Осылайша, жеңіс Елдосқа берілді.
Келесі кезеңде Елдос Сметов украиналық Ділшот Халматовпен кездеседі. Аталған спортшы өзбек балуанын жарыс жолынан шығарған болатын.