Белгілі қазақстандық әнші әрі композитор Октябрь Алтаев 23 тамызда өтетін Қазақстан Республикасы Құрылтайы депутаттарының сайлауына қатысуға шақырып, ел тұрғындарына үндеу жасады, – деп хабарлайды aqshamnews.kz тілшісі.
Бейнеүндеуді өнер иесі өзінің Instagram парақшасында жариялады.
Әншінің айтуынша, дауыс беруге қатысу – әрбір азаматтың мемлекеттің дамуына өз үлесін қосып, азаматтық ұстанымын білдіруіне берілетін мүмкіндік.
«Құрметті қазақстандықтар! Еліміздің болашағы тек үлкен шешімдермен ғана емес, әрқайсымыздың жеке таңдауымызбен де қалыптасады. Сондықтан сіздерді 23 тамыз күні сайлау учаскелеріне келіп, Қазақстан Республикасы Құрылтайы депутаттарының сайлауына қатысуға шақырамын. Біздің дауысымыз – туған-туыстарымыздың, балаларымыздың және келер ұрпақтың алдындағы жауапкершілік. Шетте қалмаңыздар. Бұл күн ортақ таңдауымыздың, бірлігіміздің және жарқын болашаққа деген сеніміміздің күніне айналсын», – деді Октябрь Алтаев.
Өнер иесі белсенді азаматтық ұстаным қашанда мықты қоғамның негізі болғанын, ал сайлауға қатысу – ел тағдырына бейжай қарамайтындықтың айқын көрінісі екенін атап өтті.
Еске салайық, Қазақстан Республикасы Құрылтайы депутаттарының сайлауы 23 тамызда өтеді. Бұл күні азаматтар дауыс беруге қатысып, елдің өкілді органының алдағы даму бағытын айқындайтын өз таңдауын жасай алады.