Еліміздегі жан басына шаққандағы орташа табыс 172,2 мың теңгені құрады.
Ұлттық статистика бюросында 12 мың үй шаруашылығына өмір сүру деңгейі бойынша жүргізілген іріктемелі зерттеу нәтижелері ұсынылды, деп хабарлайды Almaty-akshamy.kz Lsm.kz-ке сілтеме жасап.
Зерттеу қорытындысы бойынша, 2022 жылдың IV тоқсанындағы халықтың 96,6%-ы жан басына шаққандағы орташа табысы 200 мың теңгеге дейінгі диапазонда болды. Еліміздегі жан басына шаққандағы орташа табыс 172,2 мың теңгені құрады.
Ұлттық статистика бюросы бұл көрсеткіш жалақыдан өзгеше екенін атап өтті, өйткені ол отбасының барлық мүшелеріне бөлінеді.
Мысалы, үй шаруашылығы алты адамнан тұрады. Күйеуі айына 210 мың теңге табады, әйелі 30 мың теңге жәрдемақымен бала күтіміне байланысты демалыста. Ер адамның анасы 67,5 мың теңге зейнетақы алады, отбасында кәмелетке толмаған үш бала бар. Нәтижесінде осы үй шаруашылығында жан басына шаққандағы табыс айына 51,25 мың теңгені құрайды, бұл осы кезеңдегі ең төменгі күнкөріс деңгейінен – 46,6 мың теңгеден сәл жоғары.
Бұған дейін LS редакциясы 986,6 мыңға жуық адамның табысы ең төменгі күнкөріс деңгейінен төмен екенін жазған болатын. Бұл кедейлік шегінде тұратын ел халқының 5%-н құрайды.