Бұл туралы Үкімет отырысында Ұлттық экономика министрі мәлімдеді.
Әлібек Қуантыровтың сөзінше, жоғары көрсеткіш құрылыс, сауда, ақпарат және байланыс, сондай-ақ көлік саласына тиесілі. Мәселен, жыл басынан бері елде 13 млн шаршы метрден астам тұрғын үй пайдалануға берілді, деп хабарлайды Almaty-akshamy.kz 24.kz-ке сілтеме жасап.
Бұл былтырмен салыстырғанда шамамен 13%-ке көп. Жалпы мемлекеттік бюджетке 16 трлн теңгеге жуық кіріс түскен. Осылайша, жоспар 98%-ке орындалды.
«Қызмет көрсету секторы бойынша сауда 10%-тен астам, байланыс 8% және көлік секторы 7%-ке өсті. Тау-кен өндіруді есептемегенде негізгі капиталға салынған инвестициялардың өсуі 17,5% болды. Барлық негізгі көрсеткіштер бойынша Абай, Батыс Қазақстан, Жетісу, Қызылорда облыстарында және Алматы қаласында көрсеткіштер жақсы. Жыл соңына дейін барлық өңірлер әлеуметтік-экономикалық дамудың нысаналы көрсеткіштеріне қол жеткізуі тиіс», - дейді ҚР Премьер-министрі Әлихан Смайылов.