Қарулы Күштер бас дәрігерінің ақпараты бойынша, COVID-19-бен науқастану ішінара сипатта өтуде.
Қазақстанның Қарулы Күштерінде екпе алғандардың саны 100% жетіп қалды, деп хабарлайды Almaty-akshamy.kz.
«Аппараттық кеңесте Бас әскери-медициналық басқарма бастығы жеке құрамның шамамен 90%-і екпенің екі компонентін, ал барлығы әскери қызметшілер мен азаматтық персоналдың 98%-тен астамы вакцина алғаны туралы баяндады», – делінген Қорғаныс министрлігі баспасөз қызметінің хабарламасында.
Ұжымдық иммунитетті қалыптастыру жауынгерлік оқу-жаттығу іс-шараларын жүргізуде көптеген шектеуді алуға мүмкіндік береді. Қарулы Күштер бас дәрігерінің ақпараты бойынша, COVID-19-бен науқастану ішінара сипатта өтуде, аурудың ауыр түрде өту жағдайлары болған жоқ. Таяу уақытта қалған жеке құрамда медициналық қарсы көрсетілімдер мерзімі өткеннен кейін вакцина алғандар санын 100%-ке дейін жеткізу болжануда.