Бас прокуратура қыз алып қашуға қатысты қозғалған қылмыстық істер туралы айтты, - деп хабарлайды aqshamnews.kz тілшісі.
Неке қиюға мәжбүрлеу деректері бойынша алғашқы қылмыстық істер Шымкентте, Қызылорда, Ақтөбе және Маңғыстау облыстарында тіркелді.
"Екі жағдайда жәбірленушілер кәмелетке толмағандар болған. Бұл деректер бойынша тергеу жалғасып жатыр және прокуратура органдарының бақылауында тұр", - делінген Бас прокуратура хабарламасында.
Еске салайық, биыл 16 шілдеде Мемлекет басшысы қылмыстық заңнаманы оңтайландыру мәселелері жөніндегі Заңға қол қойған еді.