Минторг басшысы бір күнде мыңдаған «алтын карта» сатты
Дональд Трамптың 5 миллион доллар тұратын «алтын карталарды» сату жоспары іске асты. АҚШ Сауда министрі Говард Лютник тек бір күнде 1000 осындай визаны сатқаны туралы хабарлады, ал оған сұраныс әлі де көп.
Лютник бұл жетістігін All In подкастында бөлісіп, сатылған визалардан түскен 5 миллиард доллар мемлекеттік борышты өтеуге жұмсалатынын айтты. Оның айтуынша, әлемде 37 миллион адам осы визаны сатып алуға ниетті болуы мүмкін.
Бұл шара, мемлекеттік қарызды азайтумен қатар, жоғары білікті мамандар мен инвесторларды елге тартуды мақсат етеді.