Қазақстанда автожолдардың сапасын бағалау критерийлерін қайта қарау ұсынылуда. Бұл бастаманы Үкімет сағаты барысында депутат Нұртай Сабильянов көтерді. Оның пікірінше, жолдардың сапасын бағалауда кейбір критерийлерді өзгерту қажет, деп хабарлайды aqshamnews.kz
ҚР Көлік министрлігінің мәліметтері бойынша, еліміздегі жергілікті маңызы бар жолдардың 87%-ы қанағаттанарлық жағдайда. Алайда, осы жолдардың 31 мың шақырымының 44%-ы асфальтбетонды жамылғымен жабылған, ал қалған 39 мың шақырым немесе 56%-ы қиыршық тас, гравий және топырақ жамылғымен жабылған.
Депутат Сабильянов гравий, қиыршық тас және топырақпен жабылған жолдардың қанағаттанарлық жағдайда деп санай алмайтынын атап өтіп, осы критерийлерді қайта қарауды ұсынды. Оның айтуынша, бұл еліміздегі жергілікті жолдардың нақты жағдайын көрсетуге мүмкіндік береді.
«Егер осы критерийлерді өзгертер болсақ, онда біз жергілікті маңызы бар автожолдардың нақты жағдайын көреміз, әрі олардың сапасын жақсарту бойынша нақты жұмыстарды жүргізуге мүмкіндік аламыз», – деді Нұртай Сабильянов.
Бұл бастама жол инфрақұрылымын жақсартуға және Қазақстан азаматтарының автожолдардағы жағдайын жақсартуға бағытталған.