Аймақ халқының үштен бірі вакциналанбаған.
Дүниежүзілік денсаулық сақтау ұйымы Еуропалық аймақтағы коронавирустық вакцинациядағы олқылықтар бүкіл әлем халқы үшін қауіп төндіретінін айтып отыр, деп хабарлайды Almaty-akshamy.kz COVID-19 таралуына жол бермеу жөніндегі ВАК-ға сілтеме жасап.
«Аймақ халқының үштен бірі вакциналанбаған, оның ішінде денсаулық сақтау қызметкерлерінің 25%-ы және қарт адамдардың 20%-ы. Вакциналаудағы бұл олқылықтар бәрімізге қауіп төндіреді», - деді ДДҰ бас директоры Тедрос Аданом Гебреисус.
Спикер «Солтүстік жарты шарда суық ауа райы жақындаған сайын, аурудың таралуының өсуі мен өлім-жітімнің көбеюін күту орынды» деп ескертті. Ол ДДҰ мақсат ретінде барлық мемлекеттерде халықты екпемен қамту 70%-дан төмен емес деңгейде қойғанын еске салды.
ДДҰ-ның еуропалық аймағына ұйымға мүше 53 ел кіреді. Олардың ішінде Еуропа мен Орталық Азия мемлекеттері, сондай-ақ Израиль мемлекеті бар.