Былтыр еліміз дәрі-дәрмекті цифрлық таңбалау үдерісін аяқтады.
Сөйтіп өнімнің өндірістен дәріханаға дейінгі жолын бақылауға мүмкіндік туды. Нарықта 530 млн таңбаланған дәрі бар. Оның 200 млн-нан астамы елде өндірілген, - деп хабарлайды Aqshamnews.kz.
Сондай-ақ биылдан бастап, контрафактілік дәрі-дәрмек сатқан кәсіпкер 20-дан 40 АЕК-ке дейін айыппұл арқалайды.
- Таңбаланбаған, оның арасында таңбаланған да бар, бірақ өтірік таңбаланғандар. Оның барлығы рейд барысында және өзіміздің таңбалау құралы арқылы оңай анықтай аламыз. Ол енді таза жұмыс істейтін кәсіпкерлер үшін өте пайдалы. Себебі нарықтан контрафакті тауарды алып тастағаннан кейін таза жасаған кәсіпкер өзінің таза тауарын сөреге енгізіп, өзінің айналымын көрсетеді,-дейді ҚР СИМ Цифрлық трансформациялау және тауарларды таңбалау департаменті директорының орынбасары Әсет Өтеғалиев.
Қазақстандықтарды тегін дәрімен қамту жалғасады. Бұл үшін биыл 567 млрд теңге бөлінді. 2 мыңнан аса препарат атауы мен медициналық жабдықтар сатып алынбақ.