Бұл туралы инстаграм парақшасына жазған шаһар басшысы жұмыс кестесінен қалып қойған нысандарға жеке тоқталғанын айтты, – деп хабарлайды aqshamnews.kz тілшісі.
Қала аудандарында құрылыс және инфрақұрылымдық жобаларды жүзеге асыру, сондай-ақ ақпараттық жұмыс мәселелері бойынша кеңейтілген аппараттық кеңес өткіздім.
Жұмыс кестесінен қалып қойған нысандарға жеке тоқталдық. Мердігерлердің жұмысына бақылауды күшейтіп, жұмыс қарқынын арттыруды және белгіленген мерзімнің кейінге шегерілуіне жол бермеуді тапсырдым.
Жер қазу жұмыстарынан кейінгі көркейтуді қалпына келтіру барысын да қарадық. Апаттық қазу жұмыстары жүргізілген барлық учаске уақытылы жабылып, аумақтар ретке келтірілуге тиіс.
Қалған учаскелерді қалпына келтіру жұмыстары келісілген мерзімде аяқталуы қажет.
Ең алдымен, жылыту маусымы басталғанға дейін нысандардың дайындығын қамтамасыз ету керек. Жауапты басшылар жұмыс мерзімнің сақталуы мен сапасына жауап береді.