Алматы қаласы әкімдігі мен қалалық мектепке дейінгі ресурстық орталығының қолдауымен №109 балабақшада педагог Я.А.Пословскаяның робототехника бойынша авторлық бағдарламасының тұсаукесері өтті. Аталмыш шараға қалалық Білім басқармасы басшысының орынбасары Б. Малғаждарова, мектепке дейінгі тәрбие және оқыту бөлімінің басшысы А. Сағиева, қалалық мектепке дейінгі ресурстық орталығының әдіскері Л. Раимова және Медеу аудандық білім бөлімінің басшысы А.Нұралиева қатысты. Сонымен қатар, Медеу аудандық және Алматы қаласындағы мемлекеттік мектепке дейінгі ұйымдардың педагогтары қатысты.
Бұл күні робототехника бүкіл әлемдегі ғылыми зерттеулердің басым бағытына яғни өндірістің жоғары технологиялық салаларына еніп отыр. Қарап отырсаңыз, робот біздің өмірімізде күнделікті тұтынатын теледидар яки телефон сияқты қалыптасқан затқа айнала бастады. Бір кездері «роботтар адамның алмастырылмайтын көмекшілері болмақ, бірқатар қауіпті және ауыр жұмыстарды өз мойындарына алатынына ешкім күмән келтіре алмайды»-деген сөздер шындыққа айнала бастағандай.
Жиынды ұйымдастырушылар мемлекеттік мектепке дейінгі ұйымдардың педагогтарын оқу үдерісінде «Botley» роботының мүмкіндіктерімен таныстырып, оларды мектепке дейінгі балалар үшін қызықты және тиімді робототехника әрекеттерін жасауға үйретті. Аталмыш шара аясында педагогтер білім беру үдерісіне жаңа технологияларды енгізуге мүмкіндік беретін бағдарламалау дағдыларын базалық деңгейде дамытып, өзара іс-тәжірибе алмасты.
Ұйымдастырушылар робототехниканы балалардың логика, шығармашылық және коммуникация сияқты әртүрлі құзыреттіліктерін дамыту үшін қалай қолдануға болатынын көрсетті.
Жалпы, бұл бағдарлама мектепке дейінгі білім беруде робототехниканы қолдану саласындағы педагогтардың кәсіби шеберлігін арттырып, тәрбиешілердің технологияны оқыту әдістерін меңгеруіне көмектеседі.
Авторлық бағдарламаның тұсаукесеріне қатысушылар «Botley» роботымен жұмыс істеу әдістерімен жан-жақты танысты. Сондай-ақ балалардың бағдарламалау дағдыларын, логикалық ойлауын және шығармашылық белсенділігін дамыту үшін робототехниканы қалай пайдалану керектігімен танысуға мүмкіндік беретін шеберлік сабақтары мен практикалық жаттығуға қатысты.