Елімізде 2023 жылдан бері маусым айының үшінші жексенбісі «Әкелер күні» мерекесі болып аталып келеді.
Бұл мерекені атап өтудегі басты мақсат – еліміздегі отбасылық құндылықтарды ілгерлету, отбасы институтын нығайту, әкелердің қоғамдағы рөлін айшықтау.
Мемлекет басшысы Қ.Тоқаев: «Халқымыз қай заманда да отбасы дәстүрін берік ұстанып, қадірлей білген. Әке-шешесінің, ата-әжесінің тәрбиесін көріп, үлкендерден тағылым алып өскен бала есейгенде отаншыл, білімпаз, еңбекқор азаматқа айналады», дегені белгілі. Халқымыздың «Отан отбасынан басталады» деген нақыл сөзінің мәні де осында болса керек. Ұлтты түзеу үшін отбасындағы тәрбиені түзеу керек десек, отбасында әкенің ролі маңызды.
Бұл мереке Қазақстандағы отбасылық құндылықтарды ілгерілетуге, отбасы институтын нығайтуға, сондай-ақ әкелер институтын дамытуға ықпал етеді. Жүз мектеп бере алмайтын тәрбиені бойға сіңіріп, таудан биік талапты болуды үйрететін асқар таудың жөні дара екені даусыз.