Оның жалған хабарламасынан миллиондаған теңге шығын келген, деп хабарлайды aqshamnews.kz
Алматы қаласының 44 жастағы тұрғыны теміржол вокзалдарында бомба қойылғаны туралы бірнеше рет жалған хабарлама жасағаны үшін сотталды. Ол жазасын өтеу барысында төрт рет таксофон арқылы қоңырау шалып, жарылғыш зат жайлы хабарлаған.
Оның жалған хабарламалары төтенше жағдайлар қызметтерінің жұмылдырылуына және эвакуация жүргізілуіне себеп болды. Салдарынан мемлекеттік органдарға келтірілген материалдық шығын 3,3 миллион теңгеден асты.
Сот күдіктіні ҚР Қылмыстық кодексінің 273-бабы бойынша кінәлі деп танып, 4 жылға бас бостандығынан айырды. Сонымен қатар, сотталушы мемлекетке келтірілген шығынды өтеуге міндеттелді.