"Халықаралық бағдарламалар орталығы" АҚ басқарма төрағасы Әділ Құсманов "Болашақ" бағдарламасына жас шектеуін енгізу туралы айтты, деп хабарлайды aqshamnews.kz
Әділ Құсманов білім беру бағдарламасының бұған дейін үміткерлер үшін жас шектеулері болмағанын, тіпті зейнеткерлік жасқа толғандар да өтініш бере алатынын атап өтті. Енді министрдің бұйрығына өзгерістер енгізілді.
"Бұдан былай ғылыми тағылымдамадан өтудің жас шегі ерлер үшін – 59 жас, әйелдер үшін 57 жас болып белгіленді. Бұйрық қазірдің өзінде бекітіліп, күшіне енді", – деді ол.