Оксфорд 2025 жылы жиі қолданылған сөзді атады, деп хабарлайды aqshamnews.kz
Соңғы 12 айда бұл сөзді қолданылу жиілігі үш есе артқан.
Оксфорд университетінің баспа бөлімі 2025 жылдың сөзі ретінде "рейджбейт" (rage bait) терминін таңдады.
Rage bait – әдетте белгілі бір веб-бетке немесе әлеуметтік желідегі аккаунтқа трафик пен назар тарту үшін жарияланатын, әдейі ашу-ыза немесе наразылық тудыруға бағытталған, арандатушылық немесе қорлайтын мазмұн.
"2025 жылғы жаңалықтар легінде әлеуметтік толқулар, онлайн-контентті реттеу туралы пікірталастар және цифрлық әл-ауқатқа қатысты алаңдаушылықтар басым болды. Біздің сарапшылар биыл rage bait сөзінің қолданылуының өзгергенін байқады, бұл – интернеттегі белсенділік және этика туралы әңгімелердің өзгеріске ұшырағанын көрсетеді", – делінген Оксфорд университеті баспасының (Oxford University Press) хабарламасында.