2024 жылы Қостанай облысында «КАМАЗ» ЖАҚ-мен бірлесіп қозғалтқыш бөлшектері мен көпірлердің шойыннан құйылған детальдарын өндіретін зауыт іске қосылады. Бұл жөнінде ИИДМ индустриялық даму комитеті төрағасының орынбасары Олжас Сапарбеков мәлімдеді, деп хабарлайды Almaty-akshamy.kz Elorda.info-ға сілтеме жасап.
«Отандық өндірушілер 2022 жылы шамамен 109 мың бірлік жеңіл автокөлік өндіруді жоспарлап отыр. Автокөлікті локализациялау мәселесіне келетін болсақ, өткен 10 жылда кәсіпорындар ірі және ұсақ торапты құрастыруды үйренді. Қазір Қазақстан бойынша автоөнеркәсіп саласы жергілікті автопромның 33 пайызын құрайды. Ал кей модельдер бойынша 50 пайызға дейін жетеді», – деді Олжас Сапарбеков.
Мұнымен қатар, Комитет өкілі Қазақстанның құрамдас бөліктер өндірісін дамыту бойынша қосымша міндеттемелері бар жаңа кезеңге көшіп жатқанын айтты.
«Мысалы, автоөнеркәсіп пен ауыл шаруашылығы машинасын жасауда аккумулятор, алюминий дискі, пластикалық бөлшек, дестелегіш, су және май сорғысы, мотор асты рамасы, май, отандық өндірістің сүзгілері техникаға орнатылған. Бұдан өзге, 2021 жылдың наурыз айында "Агромашхолдинг KZ" АҚ базасында автомобильдер мен ауыл шаруашылығы машиналарын жасауға арналған компоненттерді өндіру бойынша Қостанай қаласында оқшаулау орталығы іске қосылды», – деді Комитет өкілі.
Сондай-ақ, Олжас Сапарбеков 2024 жылы Қостанай облысында «КАМАЗ» ЖАҚ-мен бірлесіп қозғалтқыш бөлшектері мен көпірлердің шойыннан құйылған детальдарын және жүк көліктерінің қосалқы бөлшектерін өндіретін зауыттарды іске қосу жоспарланып отырғанын айтты.
«Компоненттік базаны дамытудың басқа жоспарлары бар. Мысалы, резеңке және пластикалық интерьер бөлшегі, әйнек, орындық, кабина, дискі, штамптау бөлшектерін өндіру», – деді ол.
Мұнымен қатар, маман жеңілдетілген автонесие шарттарын түсіндіріп, оны бір адамның екі жылда бір рет ала алатынын айтты.