Биыл баспана бағасы тағы қымбаттауы мүмкін, – деп хабарлайды aqshamnews.kz тілшісі.
2026 жылы Қазақстанда тұрғын үй бағасының арзандауы екіталай. Бұл туралы «Отбасы банк» АҚ басқарма төрайымы Ләззат Ибрагимова мәлімдеді. Оның айтуынша, елдегі демографиялық өсім мен жастардың баспанаға сұранысы әлі бірнеше жыл бойы жоғары деңгейде сақталады.
Спикердің айтуынша, 2000–2009 жылдары туған буын қазір еңбек нарығына шығып, отбасы құрып жатыр. Ал жаңа отбасы құрылған кезде ең бірінші кезекте баспана мәселесі туындайды. Сондықтан тұрғын үйге сұраныс азаймайды.
Былтыр Қазақстанда 20,5 млн шаршы метр тұрғын үй салынғанына қарамастан, пәтерлер толық сатылып жатыр.
Еске салайық, былтыр кезекте тұрған 14,5 мың адам баспаналы болды.