Бүгін, 1 шілдеден бастап күшіне енген Қазақстан Республикасының жаңа Конституциясы – тарихи мәні зор бетбұрыс. Жаңғырудың өзегіне адам капиталының дамуы мен білім беру ісінің қойылуы – ерекше қуанышты әрі маңызды құбылыс.
Жаңа Конституцияның Преамбуласында білім беру, ғылым және инновацияның мемлекеттің ең жоғары басымдықтарының бірі ретінде айқын көрсетілуі айрықша назар аудартады. Бұл дегеніміз қоғамға жолданған маңызды үндеу. Ендігі кезекте адами капиталды дамытуға, әрбір баланың жан-жақты жетілуіне және сапалы білім алуына жағдай жасау – мемлекетіміздің ұзақ мерзімді стратегиялық мақсатының өзегіне айналып отыр.
Алматы қаласының педагогикалық қауымдастығы үшін Конституциядағы бұл жаңашылдықтар жай ғана құқықтық қағидаттар емес, күнделікті кәсіби қызметіміздің басты бағдары деп ойлаймын. Біз бұл өзгерістер еліміздің білім беру жүйесінің сапалы дамуына жаңа серпін беретініне кәміл сенеміз. Ал ұстаздар қауымы үшін бұл жас ұрпақтың сапалы білім, саналы тәрбие алуына қолайлы жағдай жасаудағы жауапты миссиямызды одан әрі нығайтатын маңызды бағдар.
Дәурен Сағынғалиев,
Алматы қаласы Білім басқармасының Әдістемелік орталығының директоры