Белгілі мәдениет менеджері Нұрғиса Дәуешов жаңа қызметке тағайындалды, - деп хабарлайды aqshamnews.kz тілшісі.
Бүгін ҚР Премьер-Министрінің орынбасары — Мәдениет және ақпарат министрі А.Ғ. Балаеваның бұйрығымен Дәуешов Нұрғиса Мұратұлы "Жамбыл атындағы Қазақ мемлекеттік академиялық филармониясы" республикалық мемлекеттік қазыналық кәсіпорнының директорының міндетін атқарушы лауазымына тағайындалды.
Н. Дәуешов — мәдениет саласының білікті маманы, дәулескер күйші, "Қазақстанның еңбек сіңірген қайраткері".
Нұрғиса Мұратұлы еңбек жолында көп жылдар бойы Құрманғазы атындағы Ұлттық оркестрді абыроймен басқарды, Темірбек Жүргенов атындағы Ұлттық өнер академиясында оқытушылық қызмет атқарды. Кейін ҚР Мәдениет және спорт министрлігінде 4 жыл толық мерзімде вице-министр болып, мәдениет саласының қордаланған мәселелерін жүйелеуге еңбек сіңірді. Мәдениет саласындағы көптеген жобалардың авторы.