Мақсатым тіл үйреніп, Қазақстанға тағы бір сапарлау.
Бұл Бельгия азаматы Стейн Ромбоуттың арманы. Ол осыдан алты жыл бұрын біздің елге келіп, сайын дала мен тұмса табиғатқа ғашық болған. Қазір ол интернет арқылы қазақ тілін үйреніп жүр. Тіпті есімін де қазақшалап алыпты, деп хабарлайды Almaty-akshamy.kz 24.kz-ке сілтеме жасап.
Бірнеше жыл бұрын орта мектеп оқушы болып жүрген бельгиялық Стейн Ромбоут Қазақстанның оңтүстігіне турист ретінде сапарға барады. Жерімізге, елімізге ғашық болған ол, Бельгияға қайтқан сон қазақ тілің интернет арқылы, өз бетімен оқи бастайды. Бүгін Стейн сол елдің көне университеттерінің бірінің магистранты және бірнеше тілді білетін полиглот. Оның ішінде қазақ тілі де бар.
Стейн Ромбоут, Ku Leuven университетінің магистранты: - Мен алты жыл бұрын Қазақстанға турист ретінде бардым. Алматыда болдым, Шымкент, Түркістан, Тараз, жалпы Қазақстанның оңтүстігін түгел араладым. Маған Алматы көбірек ұнады. Мен үшін қазақ тілі өте әдемі тіл. Маған Орталық Азияның ішінде Қазақстан жаныма жақын болды. Сондықтан қазақ тілін үйренемін деп шештім.
Стейннің қазақша де есімі бар – бізше Сырым. Атын белгілі қазақ батыры Сырым Датұлының құрметіне таңдаған. Қазір ол Қазақстанның тарихы мен мәдениетін терен зерттеуде.
Стейн Ромбоут, Ku Leuven университетінің магистранты: - Маған қазақ халқы өте ұнайды. Басқа елдермен салыстарғанда, қазақтар қонақжай келеді. Мұндағы адамдар олардай қонақжай емес. Сондай-ақ қазақтың тамағы өте дәмді. Мен бешпармақ жедім, құырдақ, бауырсақ.
Стейн, яғни Сырымның қазақтарға айтар алғысы зор. Ол біздің елге тағы келіп, қазақ тілін тереңдетіп оқуды жоспарлап жүр.
Стейн Ромбоут, Ku Leuven университетінің магистранты: - Мен қазақтарға көп рақмет айтқым келеді. Өйткені мен Қазақстанда болдым, жақсылық көрдім. Қазақстанның болашағы зор болады деп үміттенемін.
Жанат Эрнст, тілші: - Алдағы күндері Стейн Ромбоут Қытайға жол жүреді. Мақсаты білім алу, еліне пайда әкелу. Оқып жүріп шетел араласам деген де арманы бар. Оның ішінде Қазақстанды көру алдыңғы орында тұр.