Танымал кәсіпкер Тұрсын Алагөзов Алматы іргесіндегі таулы аймақта орналасқан сәнді вилласын көпшілік назарына ұсынды. Жалпы аумағы 2 мың шаршы метрден асатын зәулім үй 4 гектар жер телімінде орналасқан, – деп хабарлайды aqshamnews.kz тілшісі.
Үйдің ішкі көрінісі ерекше сән-салтанатымен көз тартады. Интерьерде жылтыр мәрмәр кеңінен қолданылған, ал бөлмелер бағалы жиһаздармен жабдықталған.
Видеода Баян Алагөзова да естелігін айтып, осыдан 10 жыл бұрын алғашқы кездесуде болашақ жары оған гүл емес, қолтырауын терісінен жасалған Hermès сөмкесін сыйлағанын айтты.
Сондай-ақ, виллада жеке бассейн, спорт залы, киіз үй және үй жануарларына арналған арнайы бөлме бар. Баян Мақсатқызының өтінішімен аулаға сегіз қанатты киіз үй тігілген.
"Мұның бәрін әйелім үшін істедім", – деді Тұрсын Алагөзов.
Желі қолданушылары ерлі-зайыптының өзара сыйластығына сүйсініп, кәсіпкердің жарына деген ықыласына жылы пікірлерін арнады. Көпшілік оның отбасына деген қамқорлығын жоғары бағалап, ізгі тілектерін жаудырған.