Алматы қаласы бойынша Қылмыстық атқару жүйесі департаментінің №11 мекемесінде «Азаматтардың және ұйымдардың заңды мүдделерін, құқығын қорғау» жобасы аясында жазалы жасөспірімдермен кездесу өтті.
Іс-шараға ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, Азаматтық бастамаларды қолдау орталығы мен Мәдениет және ақпарат министрлігінің қолдауымен «Human Rights Lawyers» қоғамдық қоры «One stop service» жобасының командасы атсалысты.
ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары Айман Омарова балаларды алда келе жатқан ҚР Конституциясының 30 жылдық мерекесімен құттықтады.
Балалар құқығын қорғаумен айналысатын өкілдер енді басталатын жаңа оқу жылының құрметіне балаларға деп оқу құралдарын көптеп ала келіпті. Сондай-ақ жастарға футболкалар сыйлады.
Іс-шараның мақсаты – жасөспірімдердің құқықтық сауатын арттыру, өмірге деген оң көзқарасын қалыптастыру арқылы балалардың қауіпсіздігін қамтамасыз ету дейді сарапшылар.