Азиз ҚАЖДЕНБЕК, Алматы қаласы Жастар саясатын дамыту мемлекеттік қорының директоры: Маңызы зор қадам

Президенттік сайлаудың халықтың бірігуіне, бағыт-бағдарымызды айқындауда және ертеңгі күнге деген сенімді нығайтуда маңызы өте зор. Қандай жағдай болмасын, қазақ халқы алдағы сайлауда ынтымақтастығын көрсете алады деп ойлаймын. Соңғы үш жылда жасалған өзгерістер мен конституциялық реформа мемлекеттік-саяси құрылымның жаңа үлгісін қалыптастырғаны көрер көзге белгілі. Сайлау – елдің бүгіні мен ертеңіне тікелей әсер ететін науқан. Сәйкесінше, кезекті науқан елдің бүкіл саяси жүйесін түбегейлі өзгертетін жұмыстарды бастап бермек. Сол арқылы экономиканы тұрақты дамытуды, халықтың әл-ауқатын арттырып, тұрмыс сапасын жақсартуды көздейтін ұзақ мерзімді міндеттерді жүзеге асыруға мүмкіндік туады. Ендеше, әрбіріміз сайлау науқанының ашық әрі әділ өтуін қадағалауға, оған белсене араласуға міндеттіміз. Жаңа Қазақстан құрудағы қадамымыз оңынан болсын!